ՄԱՐԻԱՄ ԶԱԴՈՅԱՆ

ՄԱՍՆԱԳԻՏԱՑՈՒՄ

Մարիամ Զադոյանն ունի 10+ տարիների աշխատանքային փորձ հետևյալ մասնագիտացումներով՝

Քաղաքացիական իրավունքի ոլորտ՝ կորպորատիվ, աշխատանքային, պայմանագրային, ընտանեկան հարաբերություններ, ժառանգություն, բանկային գործունեություն, սնանկություն, սեփականություն և մտավոր սեփականություն,  իրավաբանական անձանց հիմնադրում, վերակազմակերպում և լուծարում,  կատարողական վարույթի սպասարկում և այլն,

Վարչական իրավունքի ոլորտ՝ հարկային, մաքսային և հողային իրավահարաբերություններ, վարչական ակտերի բողոքարկում,

Միջազգային իրավունքի ոլորտ՝ միջազգային դատարանին տրվող բողոքի կազմում, օտարերկրյա կազմակերպությունների հետ պայմանագրերի կազմում և օտարերկրյա իրավաբանական անձանց հիմնադրում։

Մարիամ Զադոյանը հանդիսացել է նաև ազգային իրավական փորձագետ ԵՄ, ԵԽ, ԵԱՀԿ,  Միջազգային համագործակցության գերմանական ընկերության (GIZ), Ժողովրդավարության ազգային հիմնադրամի (NED), Համաշխարհային բանկի, ՀՀ-ում ԱՄՆ և Գերմանիայի Դաշնության դեսպանատների կողմից ֆինանսավորմամբ իրականացվող ծրագրերում։  

ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐ

• իրավաբանական խորհրդատվություն մատուցում,
• իրավական ռիսկերի գնահատում և դրանց լուծման ուղղված առաջարկություններով իրավական կարծիքի կազմում,
• հայցադիմումների, վերաքննիչ և վճռաբեկ բողոքների, մարդու իրավունքների եվրոպական դատարան ներկայացվող բողոքների և այլ դատաիրավական փաստաթղթերի կազմում,
• քաղաքացիաիրավական տարաբնույթ պայմանագրերի կազմում, այդ թվում՝ ոչ տիպային պայմանագրեր, ինչպիսիք են կայքերի միացման պայմանները և դրույթները, հաղորդագրությունների առաքման և մալուխային ընդհանուր օգտագործման ինտերնետ կապուղու տրամադրման ծառայությունների մատուցման և այլ պայմանագրեր,
• իրավաբանական անձանց, այդ թվում՝ ազատ տնտեսական գոտու շահագործողների, ոչ առևտրային կազմակերպությունների, սոցիալական ձեռնարկությունների համար  կորպորատիվ փաթեթների պատրաստում, ինչպիսիք են՝
  – իրավաբանական անձանց հիմնադրմանը և վերակազմակերպմանը (ներառյալ՝ միաձուլմանը, միացմանը, բաժանմանը, առանձնացմանը, վերակազմավորմանը) ուղղված կանոնադրությունների, նիստերի արձանագրությունների և այլ փաստաթղթերի կազմում,
  – իրավաբանական անձանց մարդային ռեսուրսների կառավարում, այդ թվում՝ աշխատանքային պայմանագրերի, հրամանների, պաշտոնների անձնագրերի և այլ փաստաթղթերի կազմում,
  – իրավաբանական անձանց գնումների փաստաթղթերի կազմում և սպասարկում,
  – իրավաբանական անձանց գործունեության բարելավման նպատակով օրենսդրական առաջարկությունների փաթեթի մշակում և ներկայացում համապատասխան պետական մարմիններին և դրանց ջատագովություն,
  – իրավաբանական անձանց հակակոռուպցիոն համապատասխանության ծրագրերի, էթիկայի կանոնների, շահերի բախման և նվերների ընդունման քաղաքականությունների և այլ նմանատիպ փաստաթղթերի կազմում,
• իրավական աուդիտի իրականացում,
• բանակցությունների վարում,
• վստահորդների իրավունքների և օրինական շահերի պաշտպանություն դատարաններում և այլ պետական և ոչ պետական մարմիններում, այդ թվում՝ կատարողական վարույթի սպասարկում,
• դասախոսություններ «Երիտասարդ իրավաբանների պրակտիկ հմտությունների դպրոց»-ում՝  «Բանակցություններ․ Հարվարդյան մոդել», «Իրավական անգլերեն» և  «Իրավաբանական գիր և վերլուծություն» թեմաներով։